2025 йил ноябр ойининг бошига келиб, Ўзбекистонда микроқарз молия ташкилотлари (МФО) томонидан жисмоний шахслар учун тақдим этилган қарзларнинг ўртача фоиз ставкаси 55,9% ни ташкил этди. Юридик шахслар учун эса бу кўрсаткич 48,9% бўлди.
Энг юқори ўртача фоиз ставкаси Кредитомат Ташкент (100%), Danweek Funding (100,3%) ва Fanavvd (92,5%) ташкилотларида қайд этилган. Энг паст кўрсаткич эса Sam Finance Power (44,3%), Автогаз Финанс Люкс (40%) ва Еврика Капитал (33,1%) ташкилотларида кузатилди.
Юридик шахслар учун энг юқори фоиз ставкалари Fast Financing Service (60%), Сармоячи Груп (57,5%) ва Пулман (55,3%) ташкилотларида қайд этилган. Аксинча, корхоналар учун энг паст фоиз ставкалари Oasis Credit (41,6%), Мақсад Финанс (40,8%) ва Найута (36,8%) ташкилотлари томонидан таклиф қилинмоқда.
2025 йил октябр ойининг бошида Ўзбекистондаги 92 та МФОнинг жами активлари 669,9 миллиард сўмдан ошган бўлиб, улардан 549,2 миллиард сўми соф кредитларга тўғри келган.
Меҳмон гуруҳидаги фойдаланувчилар ушбу мақолага изоҳ қолдира олмайди.
