Ўзбекистоннинг олтин-валюта захиралари бир ойда 66,3 млрд доллардан ошди

2026 йил бошига келиб Ўзбекистоннинг олтин-валюта захиралари 66,3 млрд доллардан юқори даражага чиқди. Таққослаш учун, ўтган йил декабр ҳолатида республика активлари 61,2 млрд долларга баҳоланган эди.

Мазкур захиралар таркибида 10,6 млрд доллари хорижий валюта ҳисобига тўғри келади, 1,5 млрд доллари қимматли қоғозлар кўринишида, 55,1 млрд доллари эса олтин улушига тўғри келган.

Бир ой ичида қимматбаҳо металл ҳажми 12,2 млн трой унсиядан 12,6 млн трой унсияга ошди. Эслатиб ўтамиз, 2025 йил ноябр якунларига кўра Ўзбекистон Марказий банки дунё регуляторлари орасида олтин хариди бўйича кучли учликни якунлаган — ўша ойда 10 тонна олтин сотиб олинган.

Шунингдек, ўтган йил январ—ноябр ойларида Ўзбекистон хорижга қимматбаҳо металлни қарийб 10 млрд долларга экспорт қилгани маълум. Йиллик ўсиш 49,4%ни ташкил этган.

Marifat Mahmanova

«ZAMIN.UZ» муҳаррири