Адлия вазирлиги ҳузуридаги Ҳуқуқий сиёсат тадқиқот институти томонидан ишлаб чиқилган Ўзбекистон Республикасининг Маъмурий ҳуқуқбузарликлар тўғрисидаги Кодекси лойиҳаси юзасидан давра суҳбати ўтказилди.
Давра суҳбатида Ўзбекистон Республикаси Адлия вазирлиги, Олий суди, Давлат хавфсизлик хизмати, Бош прокуратура, Ички ишлар вазирлиги, бошқа вазирлик ва идораларнинг масъул ходимлари, шунингдек Тошкент давлат юридик университети, Германия Халқаро Ҳамкорлик Жамияти (GIZ) ва АҚШ Халқаро Ривожланиш Агентлиги (USAID) экспертлари иштирок этишди.
Кодекс лойиҳаси 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Фаол инвестициялар ва ижтимоий ривожланиш йили”да амалга оширишга оид Давлат дастурининг 44-банди ижроси доирасида ишлаб чиқилган бўлиб, мазкур лойиҳа қабул қилиниши билан амалдаги Маъмурий жавобгарлик тўғрисидаги кодекс ўз кучини йўқотади.
Янги ишлаб чиқилган Кодекс лойиҳасида Давлат дастурида белгиланган қуйидаги вазифалар ўз аксини топган:
- ишни кўришнинг процессуал тартибини такомиллаштириш;
- процесс иштирокчиларининг ҳуқуқ ва мажбуриятларини мақбуллаштириш;
- маъмурий ҳуқуқбузарликка оид иш юритиш тизимига замонавий ахборот-коммуникация технологияларини кенг жорий қилиш (электрон баённома, электрон маъмурий иш ва бошқалар);
- жабрланувчи аризасига асосан юритиладиган маъмурий ҳуқуқбузарликларга оид ишларни тугатиш тартибини жорий қилиш;
- маъмурий жазо чоралари тизимини либераллаштириш;
- жарима жазосини ихтиёрий ижро этишни рағбатлантиришнинг дифференциал тартибини жорий этиш;
- маъмурий жавобгарликка тортишга ваколатли бўлган органлар ва мансабдор шахслар тоифасини мақбуллаштириш.
Бундан ташқари, лойиҳада бир нечта концептуал ўзгаришлар таклиф этилган бўлиб, улар қуйидагилардан иборат:
- Маъмурий ҳуқуқбузарликлар тўғрисидаги кодекс лойиҳасида умумҳуқуқий ва махсус принциплар рўйхатини аниқлаштириш ва кенгайтириш;
- Маъмурий ҳуқуқбузарликлар юзасидан юридик шахслар жавобгарлигини жорий қилиш;
- Маъмурий ҳуқуқбузарликлар тўғрисидаги кодексни “Маъмурий тартиб-таомиллар тўғрисида”ги қонун билан мувофиқлаштириш;
- Маъмурий жавобгарлик ва маъмурий жазодан озод қилиш.
Давра суҳбати давомида Маъмурий ҳуқуқбузарликлар тўғрисидаги кодексни “Маъмурий тартиб-таомиллар тўғрисида”ги Қонун билан мувофиқлаштириш, юридик шахсларни жавобгарлиги, жарималар миқдори масалаларида жиддий баҳс мунозаралар бўлди.
Ўзбекистон Республикаси Маъмурий ҳуқуқбузарликлар тўғрисидаги кодекси лойиҳаси мутахассислар таклифлари асосида такомиллаштирилади ва умумхалқ муҳокамасига қўйилади. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Владимир Путин «Крокус»да содир этилган теракт учун ўч олишга чақирди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Тошкентда 02 кодли авторақамлар тахминан қачон пайдо бўлиши айтилди
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Қайси кундалик одатлар иммунитет пасайишига олиб келишини биласизми?
Германияда мактаб ўқувчилари оммавий равишда ислом динини қабул қилмоқда
