Интер Маями ҳимоячиси Сергио Регуилон ўзининг севимли итини Испаниядан АҚШга олиб келиш учун катта маблағ сарфлашга қарор қилди. Футболчи ҳайвонни оддий юк бўлимида эмас, балки шахсий самолётда олиб келишни режалаштирмоқда, бу эса унга 135 минг долларга тушади. Бу ҳақда Goal.com хабар беради.
Машҳур блогер ТҳеГрефг билан суҳбатда испаниялик футболчи бу қарорини итининг қулайлиги билан изоҳлади. Унинг сўзларига кўра, итнинг узоқ масофали парвозда қийналишини истамайди ва шунинг учун шахсий рейс хизматидан фойдаланишни маъқул кўрмоқда.
Эслатиб ўтамиз, январ ойида Тоттенхемдан эркин агент сифатида Интер Маями сафига қўшилган Регуилон ҳозирда жароҳатлар сабабли майдонга кам тушмоқда. Ҳимоячи жорий мавсумда атиги тўртта ўйинда иштирок этиб, 175 дақиқа майдонда ҳаракат қилди.
Интер Маями айни дамда MLS Шарқий конференциясида учинчи ўринни эгаллаб турибди. Регуилон соғлигини тиклаб, жамоанинг асосий таркибидан жой олишни ва чемпионлик унвонини ҳимоя қилишда ўз ҳиссасини қўшишни мақсад қилган.
“Zamin”ни Telegram'да ўқинг!
