Фото: Видеодан кадр
Ўзбекистон тўйларидан бирида кутилмаган ва бир вақтнинг ўзида қизиқарли ҳолат кузатилди. Тўй кунида келин анъанавий таомлардан кўра фақатгина fast food истеъмол қилгани меҳмонлар эътиборини тортди.
Маълум бўлишича, келиннинг бу одати олдиндан ҳам маълум бўлган. Шу боис куёв унинг хоҳишини инобатга олиб, айнан тўй кунида ҳам fast food буюртма қилган. Бу эса тўйга янада ўзига хос кайфият бағишлаган.
Мазкур ҳолат акс этган видео ижтимоий тармоқларда тез тарқалиб, қарийб 3 миллионга яқин кўришлар сонига эга бўлди. Фойдаланувчилар изоҳларда куёвнинг бу ҳаракатини юқори баҳолаб, уни аёлга бўлган эътибор, меҳр ва муҳаббат ифодаси сифатида талқин қилишмоқда.
Шу билан бирга, кўплаб ҳазиломуз фикрлар ҳам қолдирилган бўлиб, айримлар бу ҳолатни “замонавий тўй тренди” деб аташган. Қисқаси, ушбу воқеа нафақат кулгили, балки самимий ва илиқ муносабат намунаси сифатида ҳам кўпчиликка манзур бўлди.
“Zamin”ни Telegram'да ўқинг!
