Ижтимоий тармоқларда UFC жангидан кейин спорт ставкалари билан боғлиқ фожиали ҳолат ҳақида хабарлар тарқалди. Унда айтилишича, Ҳамзат Чимаев иштирок этган жанг натижасига катта миқдорда пул тиккан икки нафар ўзбекистонлик эркак оғир молиявий йўқотишлардан кейин ўз жонига қасд қилган.
Тарқалаётган маълумотларда улар кредит олиб, уйдаги бор маблағларини ҳам спорт ставкаларига сарфлагани айтилмоқда. Шунингдек, жанозалар ўқилгани ҳақида ҳам хабарлар пайдо бўлган. Бироқ айни пайтда мазкур ҳолат юзасидан расмий идоралар томонидан тасдиқланган маълумот берилмаган.
Мазкур хабарлар ижтимоий тармоқ фойдаланувчилари орасида катта муҳокамаларга сабаб бўлди. Кўпчилик спорт ставкалари ва қиморга қарамликнинг салбий оқибатлари ҳақида фикр билдирмоқда. Мутахассислар эса молиявий таваккалчилик ва эмоционал қарорлар инсон ҳаётига жиддий таъсир кўрсатиши мумкинлигини таъкидлаб келади.
“Zamin”ни Telegram'да ўқинг!
