АҚШ-та Өзбекстанның жаңа консулдықтары ашылады

Өзбекстан АҚШ-та жаңа консулдықтарды ашуды жоспарлауда. Бұл туралы Президент Шавкат Мирзиёевтің Америка-Өзбекстан іскерлік кеңесін құру туралы жарлығында айтылды.

Жаңа дипломатиялық өкілдіктерге АҚШ-тың негізгі салаларымен жұмыс істейтін мамандар тартылатын болады. Сондай-ақ, оларды ашу кезінде Өзбекстан диаспорасының саны да ескеріледі.

Консулдықтар Чикаго, Орландо және Сиэтл қалаларында ашылуы күтілуде. АҚШ-тағы консулдықтардың маңызды міндеттерінің бірі – барлық штаттарда тұратын отандас диаспораларымен тиімді ынтымақтастықты ұйымдастыру.

Бастапқы мәліметтерге сәйкес, 2023 жылы АҚШ-та тұратын өзбекстандықтардың саны 75 мың адамды құрайды. Мемлекеттік статистика комитетінің деректеріне қарағанда, биылғы жылдың қаңтар-қыркүйек айлары арасында АҚШ-қа 12,9 мыңнан астам Өзбекстан азаматтары барған.

Бұл көрсеткіш өткен жылмен салыстырғанда 9,3 пайызға өскен. Өзбекстандықтардың басым бөлігі АҚШ-қа турист ретінде – 9,2 мың адам барған.

3,1 мың адам туыстарын көруге барса, 304 өзбекстандық оқу мақсатында барған. “Zamin”-ді Telegram-нан оқыңыз!