Prezident: Vazirlar Mahkamasi tarkibi o‘zgaradi, departamentlar tugatiladi

  • 12 yanvar 2019, 06:56
  • 1 672
  • O‘zbekiston
  • Prezident: Vazirlar Mahkamasi tarkibi o‘zgaradi, departamentlar tugatiladi
    O‘zbekiston Respublikasi Vazirlar Mahkamasida jiddiy o‘zgarishlar ro‘y beradi. Kun.uz nashri xabar berishicha, Samarqanddagi yig‘ilish vaqtida prezident Vazirlar Mahkamasi tarkibida qisqartirishlar bo‘lishi, departamentlar butunlay tugatilishi haqida gapirgan.

    «Vazirlar Mahkamasini 50 foizga qisqartiramiz. Bosh vazir o‘rinbosarlarining yarmi, departament boshliqlarining hammasi ketadi. Byurokratiya ishlashga to‘siq bo‘lyapti. Kim nima bilan bandligini bilaman. Vazir xalqqa hisobot beradigan qilamiz. Sessiyalarda hokim boshliq bo‘lmaydi, hokim deputat ham bo‘lmaydi. Bu noto‘g‘ri siyosat», degan prezident.

    Ma’lumot uchun, ayni vaqtda O‘zbekiston bosh vaziri Abdulla Aripovning 7 nafar o‘rinbosari bor.

    Ochilboy Jumaniyozovich Ramatov — Bosh vazirning birinchi o‘rinbosari - «O‘zbekiston temir yo‘llari» aksiyadorlik jamiyati boshqaruvi raisi - Hududlarni kompleks rivojlantirish va kommunal soha, ekologiya, atrof muhitni muhofaza qilish, transport, kapital qurilish va qurilish industriyasi masalalari kompleksining rahbari.
    Hududlarni ijtimoiy-iqtisodiy kompleks rivojlantirish masalalari axborot-tahlil departamenti
    Kommunal soha, ekologiya, atrof muhitni muhofaza qilish, transport, kapital qurilish va qurilish industriyasi masalalari axborot-tahlil departamenti

    Jamshid Anvarovich Qo‘chqorov — Bosh vazir o‘rinbosari - O‘zbekiston Respublikasi Moliya vaziri - Makroiqtisodiy tahlil va prognozlashtirish, moliya va bank tizimlarini isloh qilish, xususiy tadbirkorlik va kichik biznesni rivojlantirish masalalari kompleksining rahbari.
    Makroiqtisodiy tahlil va prognozlashtirish, moliya va bank tizimlarini isloh qilish, xususiy tadbirkorlik va kichik biznesni rivojlantirish masalalari yig‘ma axborot-tahlil departamenti

    Suxrob Rustamovich Xolmurodov — Bosh vazir o‘rinbosari - O‘zbekiston Respublikasi Investitsiyalar bo‘yicha davlat qo‘mitasi raisi - Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish masalalari kompleksining rahbari.
    Investitsiyalar, innovatsion rivojlantirish, erkin iqtisodiy va kichik sanoat zonalari faoliyatini muvofiqlashtirish masalalari axborot-tahlil departamenti

    Nodir Sobirovich Otajonov — Bosh vazir o‘rinbosari - Tashqi savdo faoliyatini, eksport salohiyatini, mashinasozlik, avtomobil, elektrotexnika, mudofaa, paxtani qayta ishlash sanoatini va yengil sanoatni rivojlantirish, mahsulotlarni standartlashtirish masalalari kompleksi rahbari.
    Tashqi savdo faoliyatini, iqtisodiyot tarmoqlari va respublika hududlarining eksport salohiyatini rivojlantirish masalalari axborot-tahlil departamenti
    Mashinasozlik, avtomobil, elektrotexnika, mudofaa, paxtani qayta ishlash sanoatini va yengil sanoatni rivojlantirish, mahsulotlarni standartlashtirish masalalari axborot-tahlil departamenti

    Alisher Saidabbosovich Sultonov — Bosh vazir o‘rinbosari – Geologiya, yoqilg‘i-energetika kompleksi, kimyo, neft-kimyo va metallurgiya sanoati masalalari kompleksi rahbari.
    Geologiya, yoqilg‘i-energetika kompleksi, kimyo, neft-kimyo va metallurgiya sanoati masalalari axborot-tahlil departamenti

    Aziz Abduqahhorovich Abduhakimov — Bosh vazir o‘rinbosari - Ta’lim, sog‘liqni saqlash, jismoniy tarbiya, sport va turizm masalalari kompleksining rahbari.
    Ta’lim, sog‘liqni saqlash, jismoniy tarbiya, sport va turizm masalalari axborot-tahlil departamenti

    Tanzila Kamalovna Norboyeva - Bosh vazir o‘rinbosari, O‘zbekiston xotin-qizlar qo‘mitasi raisi.
    Sobiq bosh vazir o‘rinbosari (Qishloq va suv xo‘jaligi, qishloq xo‘jaligi va oziq-ovqat mahsulotlarini qayta ishlash masalalari kompleksining rahbari, Qishloq va suv xo‘jaligi, qishloq xo‘jaligi va oziq-ovqat mahsulotlarini qayta ishlash masalalari axborot-tahlil departamenti boshlig‘i) Zoyir Toirovich Mirzayev ishdan olingach, bosh prokuror Otabek Murodov Agrosanoat sohasiga vaqtincha mas’ul etib tayinlangandi.

    » » Prezident: Vazirlar Mahkamasi tarkibi o‘zgaradi, departamentlar tugatiladi