Foto: Shutterstock
Endokrinolog Zuxra Pavlova o‘zining Telegram-kanalida amerikalik mutaxassislar tomonidan o‘tkazilgan yana bir tadqiqot natijalari bilan bo‘lishdi. Unga ko‘ra, har kuni piyoda yurish turli kasalliklarning oldini olishda barchaga birdek mos bo‘lgan eng samarali jismoniy faoliyat ekanligi tasdiqlandi, deb yozadi “Sports.kz”.
“Men piyoda yurish eng oddiy va samarali jismoniy faoliyat ekanligi haqida ko‘p takrorlaganman. Bugungi kunga kelib esa olimlar buning tasdig‘ini isbotlab kelmoqda. Amerikaning Nature jurnalida 41 yoshdan 67 yoshgacha bo‘lgan 6042 kishi ishtirok etgan tadqiqotning so‘nggi natijalari e’lon qilindi. Tajriba o‘rtacha 4 yil davom etdi (2,2 dan 5,6 yilgacha) va bu tadqiqot eng uzoq kuzatuvlardan biridir. Unda barcha ishtirokchilarning jismoniy faolligi fitnes-trekerlar yordamida nazorat qilindi.
Tajriba natijalari shuni ko‘rsatdiki, qandli diabet, gipertoniya, depressiya, uyqudagi apnoe va gastroezofagial refluks kasalliklari va bosilgan qadamlar soni o‘rtasida bog‘liqlik mavjud.
Bir kunda 8200 va undan ko‘p qadam yurgan shaxslarda mazkur kasalliklar rivojlanish xavfi kamaygan. Qand kasalligi va gipertoniya bilan og‘rigan bemorlar yuqori natijalarga erishish uchun kuniga 8000-9000 qadam yurishlari kerak.
Foto: Mymedic.uz
Tana massasi indeksi — insonning bo‘yi va vazni mosligi darajasini baholashga imkon beradi, kattalik 28 daraja bo‘lgan bemorlar kunlik qadamlar sonini 6000 dan 11 000 gacha oshirsa, semirish xavfini 64 foizga kamaytirishi aniqlandi.
Olimlar, shuningdek, har kuni piyoda yurishning uzoq muddatli foydasi borligini ham tasdiqladi. Ko‘p yillar davomida doimiy 10 ming qadam yurish jiddiy kasalliklarga chalinish xavfini yildan yilga kamaytiradi.
Organizmning umumiy chidamliligini oshirish va yurak-qon tomir, asab kasalliklarining oldini olishda piyoda yurish sport zalidagi mashg‘ulotlardan anchagina samarali va xavfsiz ekan, piyoda yurishdan to‘xtamang!” — deb yozadi Pavlova. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
APL. “Liverpul” 6 ta gol urilgan o‘yinda “Tottenhem”ni mag‘lub etdi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi
