06:00 / 22.06.2018
9 588

Президент Фарғона вилояти ҳокимини «колхоз раиси» деб атади

Президент Фарғона вилояти ҳокимини «колхоз раиси» деб атади
Ўзбекистон Республикаси Президенти Шавкат Мирзиёев раислигида 21 июнь куни тармоқлар ва ҳудудларда инвестиция лойиҳаларини амалга ошириш ҳолати, тўғридан-тўғри хорижий инвестицияларни жалб этиш ва ўзлаштириш натижалари таҳлилига бағишланган видеоселектор йиғилиши бўлиб ўтди.

Президент Фарғона вилояти ҳокими фаолиятидан норози эканини айтиб ўтди.

«Фарғона вилояти ҳокимидан нима учун норозиман. Унинг ёнига икки одамимни олиб бориб қўйдим. Акмал Ортиқовни, Тешаевни (Иқтисодиёт вазири ўринбосари Акмалхон Жўрахонович Ортиқов вилоят ҳокими Шуҳрат Ғаниевга биринчи ўринбосар, собиқ Қишлоқ хўжалиги вазири Шуҳрат Жўрақулович Тешаев қишлоқ ва сув хўжалиги масалалари бўйича ўринбосар этиб тайинланди - таҳр.) Кечирасизлару, Фарғона вилояти ҳокими - катта бир колхоз раисидек. Мен бундай одам билан ислоҳот қила олмайман. Қила олмайман.

Мана, Эркин (Сурхондарё вилояти ҳокими Эркин Турдимов) 70 миллион долларлик шартнома тузиб келди. Келгусида бундан ҳам катта шартномалар, 300, 400, 500 миллион долларлик шартномалар керак. Ҳамма вилоят ҳокими шундай ишласа, ўзгариш бўлади.

Шу вақтгача ҳокимлар давлат берган пулни инвестиция деб ўйлашди. Бу инвестиция эмас. Берилган пулнинг ҳам 30 фоизини ўғирлаб келди, шунинг учун ҳозирги аҳволга тушдик», дея президентнинг сўзларини келтирган «Kun.uz» мухбири.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Президент Фарғона вилояти ҳокимини «колхоз раиси» деб атади