«Антальяспор» ҳимоячиси Георгий Жикиянинг агенти Владимир Кузмичёв россиялик футболчининг келажаги юзасидан изоҳ берди. Бу ҳақда euro-football.ru хабар беради.
Агентнинг таъкидлашича, Жикиянинг ҳолати яхши ва клуб унинг хизматига таянмоқда. Сўнгги ўйинларда майдонга тушмагани эса микрожароҳат билан боғлиқ бўлган. У ҳозир тикланган ва эҳтимол, кейинги учрашувда яна ўйнайди.
Аввалроқ ОАВда турк клуби «Спартак»нинг собиқ сардори билан хайрлашмоқчи экани ҳақида хабарлар тарқалган эди.
Жикия жорий мавсум Туркия чемпионатида 12 та ўйинда иштирок этиб, 2 бор рақиб дарвозасини ишғол қилган. Унинг «Антальяспор» билан шартномаси 2027 йил ўрталаригача амал қилади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
