Twitter собиқ бош директори Параг Агравал томонидан асос солинган Параллель Wеб Systems сунъий интеллект стартапи Sequoia бошчилигида 100 млн доллар сармоя жалб қилди. Компания эндиликда 2 млрд долларга баҳоланмоқда. Бу ҳақда Techcrunch.com хабар беради.
Ушбу раундда Kleiner Perkins, Index Ventures, Khosla Ventures, First Round Capital, Spark Capital вa Terrain Capital каби инвесторлар ҳам иштирок этди.
Янги сармоя стартапнинг 740 млн долларга баҳоланган 100 млн долларлик Series А раундидан атиги беш ой ўтиб амалга оширилди. Натижада компаниянинг умумий жалб қилган маблағи 230 млн долларга етди.
Параллель сунъий интеллект агентлари учун махсус веб-қидирув ва тадқиқот APIларини таклиф этади. Компания мижозлари орасида Clay, Harvey, Notion вa Opendoor каби номлар бор.
Шунингдек, банклар ва хедж-фондлар ҳам уларнинг хизматларидан фойдаланади.
Агравалнинг Twitterдаги фаолияти суд иши билан якунланганидан сўнг, инвесторларнинг унинг стартапига ишончи алоҳида аҳамиятга эга. Илон Маск Twitterни сотиб олгач, Агравал ва бошқа топ-менежерларни ишдан бўшатган эди.
Улар 128 млн долларлик товон пули тўланмагани учун Маскни судга беришган ва октябрь ойида иш номаълум шартлар асосида ҳал қилинган.
Параллель компанияси TechCrunch нашрига маълум қилишича, йирик мижозлардан ташқари, уларнинг маҳсулотларидан 100 мингдан ортиқ дастурчи фойдаланмоқда.
“Zamin”ни Telegram'да ўқинг!
