«Ал-Ҳилол» Нунесни чиқариб, Бенземани рўйхатга киритди

Уругвайлик ҳужумчи Дарвин Нунес мавсумнинг қолган қисмида Арабистон чемпионатида майдонга тушмайди. «Ал-Ҳилол»нинг италиялик бош мураббийи уни миллий чемпионат учун берилган рўйхатдан чиқариб, клубга янги келган Карим Бенземага жой очди. Шунга қарамай, Нунес Осиё Чемпионлар Лигаси учрашувлари учун қайдномада қолдирилди. Бу ҳақда euro-football.ru хабар беради.

Эслатиб ўтамиз, Нунес аввалроқ Испаниянинг «Алмерия», Португалиянинг «Бенфика» ҳамда Англиянинг «Ливерпул» клубларида тўп сурган. У 2019 йилдан бери Уругвай терма жамоасига жалб этилади ва ҳозиргача миллий жамоа сафида 13 та гол урган. Шунингдек, 2022 йил Қатарда бўлиб ўтган жаҳон чемпионатида ҳам иштирок этган.

Abror Tovmurodov

«ZAMIN.UZ» муҳаррири