Қоронғу материя замонавий фаннинг энг катта сирларидан бири бўлиб қолмоқда. Астрономлар ҳисоб-китобларига кўра, у Коинот массасининг асосий қисмини ташкил этади, бироқ у электромагнит нурланиш билан ўзаро таъсирга киришмагани учун уни бевосита кузатиш имконсиз. Массачусетс технология институти (МIT) тадқиқотчилари ушбу сирли моддани қора туйнукларнинг бирлашуви жараёнида ҳосил бўладиган гравитацион тўлқинлар орқали аниқлашга уриниб кўришди. Бу ҳақда Ixbt.com хабар беради.
Физиклар агар қора туйнуклар қоронғу материя булути ичида бирлашса, бу муҳит гравитацион тўлқинлар нақшини ўзгартириши кераклигини тахмин қилишди. Улар ЛИГО-Вирго-КАГРА (ЛVK) детекторлари орқали олинган 28 та гравитацион сигнални таҳлил қилиб, ГВ190728 ва ГВ190814 ҳодисаларида стандарт вакуум моделидан четга чиқиш ҳолатларини аниқлашди. Хусусан, ГВ190728 сигнали қоронғу материя таъсирини назарий жиҳатдан тасдиқловчи энг яққол далил бўлиши мумкин.
Тадқиқотчилар бу натижаларни ҳали қоронғу материянинг узил-кесил кашф этилиши деб аташга шошилмаяпти. Бироқ, ушбу услуб қора туйнукларни табиий гравитацион интерферометрлар сифатида ишлатиб, фундаментал физика сирларини очишда янги даврни бошлаб бериши мумкин. Келгусида кўпроқ кузатувлар орқали бу аномалияларнинг табиати аниқроқ ўрганилади.
“Zamin”ни Telegram'да ўқинг!
