Англия терма жамоаси бош мураббийи Томас Тухел шартномасини узайтирди. Янгиланган келишувга кўра, немис мутахассиси 2028 йилгача термани бошқаришда давом этади. Бу ҳақда euro-football.ru хабар беради.
Тухел 2021 йилда "Челси"ни бошқариб турган пайтда Европа чемпионати ўйинларини "Уэмбли"да кузатиб, ўша муҳитдан кучли таассурот олганини айтди. Унинг таъкидлашича, стадиондаги ва бутун мамлакатдаги ҳаяжон ўзгача бўлган ва айнан шунда у вакилига қўнғироқ қилиб, келажакда Англия терма жамоасида ишлаш орзуси борлигини билдирган.
Эслатиб ўтамиз, Тухел "Челси"да 2021 йил январидан 2022 йил сентябригача ишлаган. Англия терма жамоасидаги лавозимига эса 2025 йил бошида киришган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
