Нижний Новгороднинг «Локомотив» клуби собиқ мураббийи Валерий Овчинников Гватемала терма жамоасининг март ойида Россия билан ўртоқлик учрашувини ўтказишдан бош тортгани юзасидан фикр билдирди. Гватемала футболи раҳбарияти қарорни бошқа жамоалар билан аввалдан келишилган режалари борлиги билан изоҳлади. Бу ҳақда euro-football.ru хабар беради.
Мутахассисга кўра, Гватемала учрашувдан воз кечган бўлса, Россия барибир бошқа рақиб топади. Овчинников бу ҳолатда сиёсий вазият таъсири бўлиши мумкинлигини, ёки гватемалаликлар Россияга қарши ўйнашга шунчаки тайёр эмаслигини айтди. Унинг сўзларини Betonmobile келтирди.
Овчинников, шунингдек, ҳозир россияликлар учун ким бўлишидан қатъи назар ўйин амалиётини сақлаб қолиш, майдондаги оҳангни ушлаб туриш муҳимлигини таъкидлади.
Дастлабки маълумотларга кўра, Россия март ойида Африка давлати Мали терма жамоасига қарши ўртоқлик учрашуви ўтказиши мумкин.
“Zamin”ни Telegram'да ўқинг!
