2026 йил бошидан буён Ўзбекистон фуқароларининг хорижий саёҳатларига бўлган қизиқиши ортди. Статистика қўмитаси маълумотларига кўра, чет элга 1,63 млн дан ортиқ киши йўл олди. Бу кўрсаткич ўтган йилнинг шу даврига нисбатан 111,6 минг кишига кўпайганини англатади. Бу ҳақда Podrobno.uz хабар беради.
Саёҳат йўналишлари орасида қўшни давлатлар етакчилик қилмоқда. Энг кўп ташриф буюрилган мамлакат Қирғизистон бўлиб, у ерга 660,6 минг нафар сайёҳ борди. Шунингдек, Қозоғистонга 284 мингдан ортиқ, Тожикистонга эса 282 мингдан кўпроқ фуқаро йўл олди.
Узоқ масофали йўналишлар орасида Саудия Арабистони ажралиб туриб, у ерга 136 мингдан ортиқ киши ташриф буюрди. Россияга 88,3 минг, Туркияга эса 52 мингдан ортиқ ўзбекистонликлар саёҳат қилди.
Бундан ташқари, Бирлашган Араб Амратларига 28 минг, Хитойга 15,8 минг, Таиландга 13,8 минг ва Мисрга 12 мингдан ортиқ сайёҳ йўл олган. Эслатиб ўтамиз, йилнинг дастлабки икки ойида Ўзбекистонга 2 млн атрофида хорижий туристлар ташриф буюрган.
“Zamin”ни Telegram'да ўқинг!
