Франция чемпионатида «Марсел» топ-учликдан янада узоқлашиб кетиш хавфи остида қолди. «Оқ-кўклар» сафарда «Брест»га қарши суст ўйин кўрсатди ва омадсиз натижалар сериясини давом эттирди. Бу ҳақда euro-football.ru хабар беради.
Учрашувнинг 10-дақиқасидаёқ мезбонлар ҳисобни очди: ҳимояда юқоридан ютиб олинган тўпдан сўнг Людовик Ажорқ «Брест»ни олдинга олиб чиқди — 1:0. Орадан беш дақиқа ўтиб Ажорқ яна бир бор назоратсиз қолиб зарба берди, бироқ тўп дарвоза устунига яқин жойдан ўтиб кетди. 29-дақиқада эса Уго Маньетти узатган кроссни боши билан аниқ якунлаб, дублни расмийлаштирди — 2:0. Кейинроқ Ромен Дел Кастильо стандартидан сўнг Хунёр Диас бурчакка жуда яқин зарба йўллади, Ажорқ эса яна бир эпизодда жарима майдонида тўпни қабул қилиб, зарбасини тўсинга текизди.
Ўйиннинг бир соатига яқин қисмидан кейингина «Марсел» илк жиддий вазиятини яратди: Пер-Эмерик Обамеянг эркин ҳолатда зарба берди, аммо мўлжални тополмади. Якунда Мейсон Гринвуд жарима майдонида йиқитилди ва ҳакам пенальти белгилади. Ўн бир метрликни Гринвуднинг ўзи ижро этди, бироқ дарвозабон унинг зарбасини қайтарди.
Натижада «Брест» 2:0 ҳисобида ғалаба қозониб, турнир жадвалида 10-ўринга кўтарилди. «Марсел» эса 4-поғонада қолди.
“Zamin”ни Telegram'да ўқинг!
