«Ливерпул»нинг собиқ ҳимоячиси, ҳозирда телеэксперт сифатида фаолият юритаётган Жейми Каррагер «Арсенал»нинг швед марказий ҳужумчиси Виктор Дёкереш ҳақида ўз фикрини билдирди. Бу ҳақда euro-football.ru хабар беради.
Каррагернинг таъкидлашича, у Дёкерешни жаҳон даражасидаги форвард деб ҳисобламайди ва яқин мавсумларда «канонирлар» учун энг тўғри ечим сифатида кўрмайди. Шунга қарамай, эксперт футболчининг менталитетини юқори баҳолаб, унинг ўзига ишонган, тўпни қабул қилиб, вазиятни гол билан якунлай оладиган ўйинчи эканини айтди. Каррагер Дёкерешни услуб жиҳатидан Алан Ширерга қиёслади.
Жорий мавсумда скандинавиялик ҳужумчи 15 та гол урди ва 2 та голли узатмани амалга оширди. Дёкереш «Арсенал» таркибида «гол+пас» тизими бўйича энг яхши кўрсаткич эгаси бўлиб турибди.
“Zamin”ни Telegram'да ўқинг!
