Германия Бундеслигасининг 24-туридаги илк учрашувда формаси яхшиланиб бораётган «Аугсбург» ўз майдонида «Кёльн»ни қабул қилди. Бу ҳақда euro-football.ru хабар беради.
Баҳс давомида хавфли вазиятлар кўп бўлмади, аммо илк бўлиб ҳисобни меҳмонлар очиб юбориши ҳам мумкин эди: бурчак тўпидан узатмадан сўнг Эрик Мартел бош билан зарба берди ва тўп тўсинга тегди.
55-дақиқада Ноакай Бенкс жарима майдонига тўпни етказиб берди, Родриго Рибейру эса пошна билан ажойиб зарба йўллаб, учрашувдаги ягона ва ҳал қилувчи гол муаллифига айланди — 1:0.
Қўшимча вақтдаги сўнгги ҳужумлардан бирида «Аугсбург» қарши ҳужумни самарали якунлади: 90+6-дақиқада Алексис Клод-Морис ҳисобни 2:0 кўринишига келтириб, ўйинга нуқта қўйди.
Ушбу ғалабадан сўнг «Аугсбург» турнир жадвалида 9-ўринда бормоқда, «Кёльн» эса 12-поғонада қолди.
“Zamin”ни Telegram'да ўқинг!
