Хонанда Азиза Низомова атрофида тарқалган турли гап-сўзларга муносабат билдириб, ўзининг шахсий ҳаёти билан боғлиқ ҳолатларга изоҳ берди.
Интервьюларидан бирида у турмуш қуриш ёши ҳақида ҳам фикр билдириб, 30 ёшда оила қурганини ва бу борада кечикиш йўқлигини таъкидлади. Унинг айтишича, инсон ўз бахтини қачон топса, айнан ўша пайт энг тўғри фурсат ҳисобланади.
Санъаткор тўйи камтарона тарзда ўтказилганини ҳам эслаб ўтди. Дастлаб улар фақат ФҲДЁ (ЗАГС)дан ўтиш билан чекланишни режалаштирган, бироқ кейинчалик турмуш ўртоғининг ташаббуси билан тўй маросими ташкил этилган.
Азиза Низомованинг сўзларига кўра, тўй вақтида у уч ойлик ҳомиладор бўлган, аммо расмий никоҳ бундан анча олдин қайд этилган. Айнан шу жиҳат нотўғри талқин қилиниб, турли миш-мишларга сабаб бўлганини айтди.
Хонанда бу каби гап-сўзлар асоссиз эканини билдириб, вазиятга аниқлик киритди ҳамда мухлисларни ҳақиқатни тўғри қабул қилишга чақирди.
“Zamin”ни Telegram'да ўқинг!
