Массимилиано Аллегри Милан маслаҳатчиси Златан Ибраҳимовик билан ўрталарида юзага келган кескинлик ҳақидаги миш-мишларга муносабат билдирди. Жамоа мавсумни муваффақиятсиз ўтказаётган бир пайтда, тажрибали мураббий раҳбарият билан бўлган келишмовчиликларни юmsҳатишга уринди ва Чемпионлар лигаси йўлланмасини қўлга кирита олмаслик клуб учун катта фожиа бўлишини тан олди. Бу ҳақда Goal.com хабар беради.
Генуя билан бўладиган баҳс олдидан ўтказилган матбуот анжуманида Аллегри клуб ичидаги муҳит ҳақидаги саволларга жавоб берар экан, барча директорлар ва эгалари билан профессионал муносабатда эканлигини таъкидлади. Унинг сўзларига кўра, иш жараёнида турли қарашлар ва баҳслар бўлиши табиий, аммо асосий мақсад клуб манфаати йўлида биргаликда ишлашдир.
Матбуотда тарқалган хабарларга кўра, клуб ичида Златан Ибраҳимовик ва бош директор Гиоргио Фурлани бир томонда, Массимилиано Аллегри ҳамда спорт директори Игли Таре эса бошқа томонда эканлиги айтилмоқда. Аллегри спорт директори Игли Таренинг ишини юқори баҳолаб, мавсум якунидаги масъулият барчага тегишли эканлигини қўшимча қилди.
Айни дамда А Серияда тўртинчи ўринни эгаллаб турган Милан сўнгги саккизта ўйинда атиги етти очко жамғарди. Клуб эгаси Геррй Кардинале Чемпионлар лигасига чиқа олмасликни лойиҳа учун муваффақиятсизлик деб атаган эди. Аллегри бу фикрга қўшилиб, Милан каби буюк клубда ҳар доим энг юқори натижаларга интилиш кераклигини ва клуб барча шахслардан устун туришини таъкидлади.
“Zamin”ни Telegram'да ўқинг!
