Хосе Моуриньо Реал Мадрид билан уч йиллик шартнома борасида келишувга эришди, бироқ кутилмаган молиявий тўсиқ сабабли ушбу трансфер қиймати сезиларли даражада қимматлашди. "Maxсус" (Те Специал Оне) лақабли мураббийнинг "Сантяго Бернабеу"га қайтиши деярли аниқ бўлиб улгурган бўлса-да, расмий ҳужжатларнинг кечикиши унинг товон пули миқдорини икки баравардан кўпроққа ошириб юборди. Бу ҳақда Goal.com хабар беради.
РТП хабарига кўра, ушбу кечикишнинг асосий сабаби Реал Мадрид президенти Флорентино Перезнинг сўнгги йигирма йил ичида илк бор сайловларда жиддий рақобатга дуч келаётганидир. Перез ўз лавозимини сақлаб қолиш учун Энрике Риқуелме билан курашаётган бир пайтда, клубнинг ички сиёсий жараёнлари Моуриньо билан шартнома имзолашни иккинчи даражага тушириб қўйди. Натижада, португалиялик мутахассис расман Benfica аъзоси бўлиб қолмоқда.
Ушбу маъмурий кечикиш Испания грандига қимматга тушди. Реал Мадрид учун Моуриньони 7 миллион евро эвазига сотиб олиш имконини берувчи муддат 26-май куни якунига етди. Эндиликда, собиқ Челси ва Манчестер Юнайтед устози учун Benfica клубига 15 миллион евро тўланиши талаб этилади. Бу ҳолат Лиссабон клуби президенти Руи Коста учун музокараларда устунлик тақдим этди.
Молиявий ва сиёсий мураккабликларга қарамай, Хосе Моуриньо Мадридга қайтишга тўлиқ тайёр. У 2010–2013-йиллар давомида Реал Мадридни бошқариб, 100 очколик рекорд билан Ла Лига чемпионлигини қўлга киритган эди. Oraдан 13 йил ўтиб, у бошлаган ишини якунига етказиш ва клубга ички чемпионатда гегемонликни қайтаришни мақсад қилган.
Янги келишувга кўра, Хосе Моуриньо билан уч йиллик шартнома имзоланади. Агар у дастлабки 24 ой ичида Ла Лига чемпионлигини қўлга киритса, шартномадаги махсус бандлар унинг жамоада қолиш муддатини янада мустаҳкамлайди. Ҳозирда барча эътибор Мадрид клубидаги президентлик сайловлари натижасига қаратилган.
“Zamin”ни Telegram'да ўқинг!
