Lenovo SteamOS ўрнатилган Legion Go 2 портатив ПКсини тақдим этди

Lenovo CES 2026 кўргазмаси доирасида SteamOS олдиндан ўрнатилган Legion Go 2 портатив ўйин компьютери сотувга чиқарилишини маълум қилди, деб ёзади DTF. Янгиланган модель савдоси 2026 йил июнида бошланиши кутилмоқда, қурилма нархи 1,2 минг доллар этиб белгиланган. Бу ҳақда kursiv.uz хабар беради.

Эслатиб ўтамиз, Legion Go 2 илк бор 2025 йил кузида сотувга чиққан ва ўшанда Windows 11 операцион тизимида ишлаган. Lenovo, шунингдек, SteamOS билан янада ҳамёнбоп Legion Go S моделини ҳам кўрсатди — амалиётда бундай ечим ўзини оқлагани таъкидланмоқда.

Legion Go 2 Ryzen Z2 Extreme процессори, AMD Radeon 890M график чипи, 144 Гц янгиланиш тезлигига эга 8,8 дюймли OLED дисплей ҳамда 32 GB гача тезкор хотира билан жиҳозланади. Компания кутишича, SteamOS версияси ўйинларда юқорироқ унумдорликни намойиш этади: 2025 йилдаги синовларда Valve операцион тизимидаги Legion Go S Windows 11 га нисбатан ўйинларда 5–15% тезроқ натижа қайд этган.

Marifat Mahmanova

«ZAMIN.UZ» муҳаррири