Lenovo CES 2026 ko‘rgazmasi doirasida SteamOS oldindan o‘rnatilgan Legion Go 2 portativ o‘yin kompyuterini sotuvga chiqarishini ma’lum qildi, deb yozadi DTF. Yangilangan model savdosi 2026 yil iyunida boshlanishi kutilmoqda, qurilma narxi 1,2 ming dollar etib belgilangan. Bu haqda kursiv.uz xabar beradi.
Eslatib o‘tamiz, Legion Go 2 ilk bor 2025 yil kuzida sotuvga chiqqan va o‘shanda Windows 11 operatsion tizimida ishlagan. Lenovo, shuningdek, SteamOS bilan yanada hamyonbop Legion Go S modelini ham ko‘rsatdi — amaliyotda bunday yechim o‘zini oqlagani ta’kidlanmoqda.
Legion Go 2 Ryzen Z2 Extreme protsessori, AMD Radeon 890M grafik chipi, 144 Gts yangilanish tezligiga ega 8,8 dyuymli OLED displey hamda 32 GB gacha tezkor xotira bilan jihozlanadi. Kompaniya kutishicha, SteamOS versiyasi o‘yinlarda yuqoriroq unumdorlikni namoyish etadi: 2025 yildagi sinovlarda Valve operatsion tizimidagi Legion Go S Windows 11 ga nisbatan o‘yinlarda 5–15% tezroq natija qayd etgan.
“Zamin”ni Telegramʻda oʻqing!
