PSJ Fransiya Kubogining 1/32 final bosqichida "Vande Fontene" jamoasini 4:0 hisobida mag‘lub etdi. Parijliklar birinchi bo‘limning o‘rtasida hisobni ochib, ustunlikni tezda mustahkamlashga muvaffaq bo‘lishdi.
Ikkinchi bo‘limda esa Ramushning faolligi hisobni yanada kengaytirdi. Mezbonlar o‘yinni ehtiyotkorlik bilan boshlashga harakat qilib, qanotlardan hujum qilish yo‘llarini izlashdi.
Biroq mehmonlar darhol to‘pni o‘z nazoratiga olib, hujumlarni kuchaytirdi. Due bir necha bor uzoq masofadan zarbalar berdi va o‘yin tempini oshirdi.
24-daqiqada Dembele to‘pni Due tomon aniq uzatib, himoyani yorib o‘tdi. Hujumchi raqib himoyachilaridan qochib, darvozabonning oyoqlari orasidan to‘pni darvozaga yo‘lladi.
Shundan so‘ng, PSJ tezkor hujumlar orqali himoyani bosim ostida ushlab turdi. Nevesh jarima maydoniga kirib, jamoasi uchun penalti ishlab oldi.
Dembele esa zarbani ishonch bilan pastki burchakka yo‘llab, hisobni 2:0 ko‘rinishiga olib keldi. Tanaffusga qadar mehmonlar o‘yin ritmini nazorat qilib, raqibga imkoniyat bermadi.
Ikkinchi bo‘limda PSJ qanot hujumlarida faollikni oshirdi. Dembele qanotdan uzatma berdi, Ramush esa uzoq ustunda to‘pni darvozaga yo‘lladi.
Keyinroq Ramush yana bir marta imkoniyatdan foydalandi: uzatma ortidan to‘pni qabul qilib, darvozabonni chalg‘ituvchi fint bilan aldadi va to‘pni bo‘sh darvozaga kiritdi. Hisob 4:0 ko‘rinishiga keldi.
O‘yin oxirida mezbonlar hujum qilishga harakat qildi, biroq xavfli vaziyatlar yaratish qiyin bo‘ldi.
Fonteney — PSJ 0:4
Gollar: Due (25), Dembele (34, penalti), Ramush (53, 58).
PSJ — Marin, Boli (Nevesh, 29), Zabarniy, Beraldo, Ernandes, Njantu (Jangal, 46), Zair-Emeri (Ruis, 61), Mayulu, Dembele (Kamara, 61), Due (Nsoki, 61), Ramush.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
