Toshkent viloyatida Yangi yil bayramining asosiy ramzi — 30 metr balandlikdagi bosh archaning chirog‘lari yoqildi. 28 mingdan ortiq yorug‘lik va bezak elementlari bilan bezatilgan archa tomoshabinlarga haqiqiy bayramona muhit ulashdi.
Archa chirog‘larini yoqish marosimida viloyat hokimi Zoir Mirzayev ishtirok etib, Yangi yil tadbirlarining rasmiy ochilishini e’lon qildi. Maydon bayramona musiqa, yorug‘lik shoulari va quvnoq kayfiyatga to‘ldi.
Tadbirda 100 nafar Qorbobo va Qorqiz ishtirok etib, bolalar va oilalarni xursand qildi. Mehmonlar archa atrofida suratga tushish, sahnaviy chiqishlar va ko‘ngilochar dasturlarni tomosha qilish imkoniyatiga ega bo‘ldi.
Ma’lum qilinishicha, “Nurafshon Business City” hududida joylashgan bosh archa maydonida Yangi yil tadbirlari har kuni soat 10:00 dan 22:00 gacha o‘tkaziladi. Bayram kunlari davomida konsertlar, interaktiv o‘yinlar va bolalar uchun maxsus dasturlar tashkil etiladi.
Toshkent viloyatida Yangi yil muhiti rasman boshlandi — charog‘lar yoqildi, kayfiyat ko‘tarildi, bayram ruhi esa shaharga tarqaldi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
