O‘zgidromet ma’lumotlariga ko‘ra, 22 dekabr kuni respublika hududlarida ob-havo asosan o‘zgaruvchan bo‘ladi. Ayrim viloyatlarda qor yog‘ishi, ko‘p joylarda tuman tushishi va yo‘llarda yaxmalak yuzaga kelishi mumkin.
Toshkent shahrida yog‘ingarchilik kutilmaydi, ammo kechasi va ertalab tuman ehtimoli bor. Harorat tungi soatlarda 3–5 daraja sovuq, kunduzi esa 0–4 daraja iliq atrofida bo‘ladi.
Qoraqalpog‘iston va Xorazmda havo quruq saqlanadi, tuman va yaxmalak kuzatilishi mumkin. Buxoro hamda Navoiy viloyatlarida ayrim joylarda yengil qor yog‘ishi ehtimoldan xoli emas.
Samarqand va Jizzaxda ba’zi hududlarda qor yog‘adi. Qashqadaryo va Surxondaryoda esa yomg‘ir-qor ko‘rinishidagi yog‘ingarchilik kuzatilishi mumkin. Farg‘ona vodiysi viloyatlarida yog‘ingarchilik kutilmaydi, biroq tuman va yaxmalak haydovchilar uchun qiyinchilik tug‘dirishi mumkin.
Tog‘li hududlarda vaqti-vaqti bilan qor yog‘adi, ayrim joylarda qor ko‘chishi xavfi saqlanib qoladi. Mutaxassislar yo‘lda harakatlanishda ehtiyotkor bo‘lishga chaqirmoqda.
Qisqasi, ertaga qish o‘z so‘zini aytadi: ayrim joylarda qor, ko‘p hududlarda esa tuman va yaxmalakka tayyor bo‘lish kerak.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
