Madridning «Real» klubi bosh murabbiyi Alvaro Arbeloa hujumchi Kilian Mbappeninng yuqori natijadorligi haqida fikr bildirdi. Bu haqda euro-football.ru xabar beradi.
Fransuz futbolchi La Ligada «Valensiya»ga qarshi yakshanba kungi bahsda yana gol urdi, uchrashuv «qaymoqranglilar»ning 2:0 hisobidagi g‘alabasi bilan yakunlandi. Mbappe joriy mavsumda 31 o‘yinda 38 ta gol urdi — bunday ko‘rsatkichlarni o‘zining eng zo‘r yillarida Krishtianu Ronaldu ham qayd etgan.
«Hamma Ronalduning natijadorligini hech kim takrorlay olmaydi, deb o‘ylagandi, ammo Mbappe xuddi shu yo‘ldan ketayotgandek. U gol bo‘yicha Ronalduni ortda qoldira oladimi? Bu juda-juda qiyin, chunki Krishtianu — go‘yo boshqa sayyoradan. Lekin agar buni kimdir uddalasa, demak bu Kilian bo‘ladi», — Madrid Zone Arbeloaning so‘zlarini keltiradi.
Eslatib o‘tamiz, Krishtianu Ronaldu «Real» tarixidagi eng yaxshi to‘purar: u 438 o‘yinda 450 marta raqib darvozasini ishg‘ol qilgan. Mbappe esa «Real» safida 90 uchrashuvda 82 ta gol urishga ulgurdi.
“Zamin”ni Telegramʻda oʻqing!
