Angliya Kubogi yarimfinal bahsida "Man Siti" va "Sautgempton" jamoalari o'zaro to'qnash keldi. Uchrashuv davomida katta ustunlikka ega bo'lgan nominal mezbonlar 2:1 hisobida g'alaba qozonib, keyingi bosqich yo'llanmasini qo'lga kiritdi. O'yin statistikasi Xosep Gvardiola shogirdlarining mutlaq ustunligini ko'rsatdi: jamoa to'p nazoratini 69 foiz darajasida ushlab turdi va raqib darvozasi tomon 24 marotaba zarba berdi.
Uchrashuvning 79-daqiqasida "Sautgempton" yarim himoyachisi Azaz hisobni ochib, kutilmagan natijani qayd etdi. Biroq "Man Siti" futbolchilari qisqa vaqt ichida vaziyatni o'zgartirishga muvaffaq bo'lishdi. 82-daqiqada Doku muvozanatni tiklagan bo'lsa, 87-daqiqada Gonsales tomonidan kiritilgan gol jamoaga g'alaba keltirdi. Mehmonlar butun o'yin davomida bor-yo'g'i 4 ta zarba bilan cheklanishdi.
Statistik ma'lumotlarga ko'ra, "Man Siti" futbolchilari 584 ta uzatmani amalga oshirib, ularning 94 foizini aniq yetkazib berishgan. "Sautgempton" esa 202 ta pas bilan cheklandi. Burchak to'plari nisbati ham mezbonlar foydasiga 9 ga 3 ko'rinishini oldi. O'yin davomida hakam tomonidan faqat bir marotaba sariq kartochka ko'rsatildi va u mehmonlar vakiliga nasib etdi.
“Zamin”ni Telegramʻda oʻqing!
