Krishtianu Ronaldu boykotni yakunlamoqda. Kutilishicha, portugaliyalik hujumchi hafta oxirida Saudiya Arabistoni chempionatida «Al-Fateh»ga qarshi uchrashuvda maydonga tushadi. Bu haqda euro-football.ru xabar beradi.
A Bola xabariga ko'ra, «Al-Nasr» rahbariyati yulduz futbolchi bosimi fonida ikki masalani ijobiy hal qildi. Avvalo, Ar-Riyod klubi so'nggi soatlarda xodimlar oldidagi qarzdorliklarni yopdi. Shuningdek, Ronalduga yaqin bo'lgan sport yo'nalishidagi shaxslar — Joze Semedu va Simau Kontinyo — avvalgi vakolatlarini qayta tikladi. Oldinroq bu ikki funksioner qishki transfer kampaniyasi jarayonida muhim rol o'ynay olmagan edi.
Hozirda «Al-Nasr» Pro-liga turnir jadvalida ikkinchi o'rinda bormoqda va peshqadam «Al-Hilol»dan bir ochko ortda qolmoqda.
“Zamin”ni Telegramʻda oʻqing!
