“Lokomotiv”ning sobiq prezidenti Nikolay Naumov “Benfika” bosh murabbiyi Zhoze Mourinyoning kelajagi haqida fikr bildirdi. U “Yevropa-Futbol.Ru”ga bergan intervyusida portugaliyalik mutaxassisga qaysi liga ko‘proq mos kelishini aytib o‘tdi. Bu haqda euro-football.ru xabar beradi.
Naumovning ta’kidlashicha, Mourinyoning eng kuchli davri ortda qolgan. Uning fikricha, murabbiy biroz tanaffus qilishi kerak, chunki u avvalgi kabi sirli, kutilmagan va o‘ziga xos uslub egasi bo‘lib ko‘rinmayapti.
Ekspert Mourinyoga eng maqbul yo‘l sifatida Saudiya Arabistoni chempionatini tilga oldi: u yerda maoshlar yuqori, shov-shuvlarni yoqtirishadi va tajribali, yoshi katta yulduz futbolchilar bilan ishlash imkoniyati borligini qayd etdi.
Ma’lumot uchun, Mourinyoning “Benfika”si Chempionlar ligasi 1/16 finalida Madridning “Real”iga qarshi maydonga tushadi. Dastlabki uchrashuv 17 fevral kuni Portugaliyada bo‘lib o‘tadi.
“Zamin”ni Telegramʻda oʻqing!
