“Lokomotiv”ning sobiq prezidenti Nikolay Naumov “Benfika” bosh murabbiyi Joze Mourinyu faoliyatini davom ettirishi mumkin bo‘lgan yo‘nalish haqida fikr bildirdi. U bu haqdagi mulohazalarini “Yevro-Futbol.Ru” nashriga bergan intervyusida aytib o‘tdi. Bu haqda euro-football.ru xabar beradi.
Naumovning ta’kidlashicha, Mourinyuning eng yorqin davri ortda qolgan: uning fikricha, portugaliyalik mutaxassis futbol qarashlarida yangilanishga ulgurmay, avvalgidek sirli va kutilmagan uslubdan ko‘ra odatiyroq ko‘rinishga o‘tib qolgan. Shu sababli u Mourinyuga tanaffus ham foyda berishi mumkinligini qo‘shimcha qildi.
Ekspertningcha, Mourinyu uchun eng mos variant Saudiya Arabistoni bo‘lishi mumkin: u yerda maoshlar yuqori, shov-shuvlar doimiy, shuningdek, katta nomga ega, yoshi katta futbolchilar bilan ishlash imkoniyati keng. Naumov aynan shu muhit portugaliyalik murabbiyga mos tushishini aytdi.
Mourinyu boshqaruvidagi “Benfika” Yevropa Chempionlar ligasi 1/16 finalida Madridning “Real” klubiga qarshi maydonga tushadi. Dastlabki uchrashuv 17-fevral kuni Portugaliyada bo‘lib o‘tadi.
“Zamin”ni Telegramʻda oʻqing!
