«Lokomotiv»ning sobiq prezidenti Nikolay Naumov «Benfika» bosh murabbiyi Joze Mourinyo faoliyatini qaysi chempionat davom ettirsa ma'qul bo'lishi haqida fikr bildirdi. U bu haqda «Yevro-Futbol.Ru»ga bergan intervyusida gapirdi. Bu haqda euro-football.ru xabar beradi.
Naumovning aytishicha, Mourinyoning eng yorqin davri ortda qolgan: mutaxassis uning futbol qarashlari zamonaviy tendensiyalardan ortda qolayotganini, avvalgi sirli va noodatiy obraz o'rniga esa hozir ko'proq oddiy murabbiy sifatida ko'rinayotganini ta'kidladi.
Ekspert fikricha, Mourinyo uchun eng qulay yo'nalish Saudiya Arabistoni bo'lishi mumkin. Naumov u yerda maoshlar yuqoriligini, shov-shuv va mojarolarni yaxshi ko'rishlarini, shuningdek tajribali, yoshi katta yulduz futbolchilar bilan ishlash imkoniyati borligini qayd etdi.
Mourinyo boshqaruvidagi «Benfika» Chempionlar ligasi 1/16 finalida Madridning «Real» jamoasiga qarshi maydonga tushadi. Dastlabki uchrashuv 17-fevral kuni Portugaliyada bo'lib o'tadi.
“Zamin”ni Telegramʻda oʻqing!
