Saudiya Arabistoni chempionatining 22-turida safarda o‘tgan uchrashuvda «Al-Nasr» «Al-Fateh»ni 2:0 hisobida mag‘lub etdi. Jamoa gollaridan birini 41 yoshli markaziy hujumchi Krishtianu Ronaldu urdi — u boykotdan keyin yana maydonga qaytdi. Bu haqda euro-football.ru xabar beradi.
Uchrashuvdan so‘ng futbol sharhlovchisi Aleksandr Yelagin portugaliyalik yulduzning o‘yinini alohida ta’kidladi.
«Buyuk futbolchi boykotdan keyin qaytdi va gol urdi! Faqat gol bilan cheklanmay, himoyada ham ishladi — bir necha bor darvoza oldida to‘pni qaytarib qoldi. Go‘yo yosh bola kabi yuguryapti! Ham qoyil qolaman, ham havasim keladi», — deb yozdi Yelagin ijtimoiy tarmoqlardagi sahifasida.
Joriy mavsumda Ronaldu Saudiya Arabistoni chempionatida 19 o‘yinda 18 ta gol muallifi bo‘lib turibdi.
“Zamin”ni Telegramʻda oʻqing!
