Saudiya Arabistoni chempionatining 22-turida «Al-Nasr» safarda «Al-Fateh»ni 2:0 hisobida mag'lub etdi. Uchrashuvdagi gollardan birini 41 yoshli hujumchi Krishtianu Ronaldu urdi — u boykotdan keyin yana maydonga qaytib, o'z so'zini aytdi. Bu haqda euro-football.ru xabar beradi.
O'yindan so'ng futbol sharhlovchisi Aleksandr Elagin portugaliyalik yulduzning harakatlariga alohida to'xtaldi. Uning ta'kidlashicha, Ronaldu nafaqat gol urdi, balki himoyada ham faol ishladi: bir necha bor jarima maydonida to'pni uzoqlashtirib, jamoasiga yordam berdi. Elagin ijtimoiy tarmoqlardagi postida forvardning "yosh boladek chopayotgani"ni qayd etib, bunga ham qoyil qolayotganini, ham havas qilayotganini yozdi.
Joriy mavsumda Ronaldu Saudiya Arabistoni chempionatida 19 o'yinda 18 ta gol muallifiga aylangan.
“Zamin”ni Telegramʻda oʻqing!
