Saudiya Arabistoni chempionatining 22-turida «Al-Nasr» safarda «Al-Fateh»ni 2:0 hisobida mag‘lub etdi. Uchrashuvdagi gollardan birini 41 yoshli markaziy hujumchi Krishtianu Ronaldu urdi — u boykotdan keyin yana maydonga qaytdi. Bu haqda euro-football.ru xabar beradi.
Futbol sharhlovchisi Aleksandr Yelagin yulduz portugaliyalikning o‘yindagi harakatlariga alohida to‘xtaldi. Uning aytishicha, Ronaldu nafaqat gol urgan, balki himoyada ham faol ishlagan: jarima maydonchasi ichida bir necha bor to‘pni uzoqlashtirib, jamoasiga yordam bergan. Yelagin Ronaldu “yigitlardek yugurayotganini” ta’kidlab, unga qoyil qolganini va hatto havas qilayotganini yozdi.
Joriy mavsumda Saudiya Arabistoni chempionatida Ronaldu 19 o‘yinda 18 ta gol muallifi bo‘lib turibdi.
“Zamin”ni Telegramʻda oʻqing!
