Argentina futbol assotsiatsiyasi (AFA) prezidenti Klaudio Tapia ijtimoiy badallar to‘lanmagani haqidagi ish doirasida prokuraturaga so‘roqqa chaqirildi. Bu haqda euro-football.ru xabar beradi.
Ushbu ishda AFA g‘aznachisi Pablo Tovigino ham gumondor sifatida qayd etilgan. Huquq-tartibot idoralari ikki amaldorga ham mamlakatni tark etishni taqiqlagan.
So‘roq 5 mart kuni o‘tkazilishi belgilangan. Tergov AFA tomonidan ijtimoiy badallar bo‘yicha davlat budjetiga 13 million dollar yetishmayotgani aniqlangach boshlangan.
Shuningdek, Tapia mulkida bo‘lgan, 10 gektar maydonga ega va vertolyot maydonchasi bor hashamatli qo‘rg‘on ham tergovchilar e’tiboriga tushgan.
Prokuratura alohida tartibda futbolchilarga to‘langan bonuslar miqdorini ham o‘rganmoqda: ushbu raqam Tapianing dunyo bo‘ylab parvoz xarajatlaridan kam ekani savollar uyg‘otgan.
“Zamin”ni Telegramʻda oʻqing!
