Argentina futbol assotsiatsiyasi (AFA) prezidenti Klaudio Tapia ijtimoiy badallar to'lanmagani yuzasidan boshlangan ish doirasida prokuraturaga so'roqqa chaqirildi. Bu haqda euro-football.ru xabar beradi.
U bilan birga ishda tashkilot g'aznachisi Pablo Tovigino ham gumondor sifatida tilga olinmoqda. Huquq-tartibot idoralari ikkala mansabdorga ham mamlakatni tark etishni taqiqladi.
So'roq 5 mart kuni bo'lib o'tadi. Tergovga ko'ra, AFA tomonidan to'lanishi lozim bo'lgan ijtimoiy badallar bo'yicha g'aznaga 13 million dollar yetib kelmagan.
Shuningdek, Tapia mulkida qayd etilgan, vertolyot qo'nish maydonchasi bor 10 gektarlik qo'rg'on ham tekshiruv doirasida shubha uyg'otmoqda.
Prokuratura alohida ravishda futbolchilarga berilgan bonuslar miqdoriga ham e'tibor qaratgan: ular Tapianing dunyo bo'ylab parvoz xarajatlaridan kam ekani aytilmoqda.
“Zamin”ni Telegramʻda oʻqing!
