Urugvaylik hujumchi Edinson Kavani "Boka Xuniors"ni tark etishi mumkin — buning sababi esa futbolchining o'zi emas, balki tribunadagi kayfiyat bo'layotgani aytilmoqda. Uning o'yini muxlislarni qoniqtirmayapti va so'nggi paytlarda Kavani tobora ko'proq hushtaklarga duch kelmoqda. Bu haqda euro-football.ru xabar beradi.
Oxirgi uchrashuvda u almashtirilganida ham stadionda hushtaklar yangradi: "Matador" maydonni tark etayotgan payt keskin norozilik ovozlari bilan kuzatildi. Almashtirish esa natija bermadi — "Boka" "Platense" darvozasini ishg'ol qila olmadi va bahs 0:0 hisobida yakunlandi.
Shundan so'ng Argentina OAV Kavani bilan shartnomani uzaytirish masalasiga juda ehtiyotkor baho bermoqda. Ustiga-ustak, klub paragvaylik Adam Bareyroni transfer qildi va ko'pchilik aynan u 39 yoshli tajribali forvardni asosiy tarkibdan siqib chiqarishini kutmoqda.
“Zamin”ni Telegramʻda oʻqing!
