Уругвайлик ҳужумчи Эдинсон Кавани "Бока Хуниорс"ни тарк этиши мумкин — бунинг сабаби эса футболчининг ўзи эмас, балки трибунадаги кайфият бўлаётгани айtilмоқда. Унинг ўйини мухлисларни қониқтирмаяпти ва сўнгги пайтларда Кавани тобора кўпроқ ҳуштакларга дуч келмоқда. Бу ҳақда euro-football.ru хабар беради.
Охирги учрашувда у алмаштирилганида ҳам стадионда ҳуштаклар янгради: "Матадор" майдонни тарк этаётган пайт кескин норозилик овозлари билан кузатилди. Алмаштириш эса натижа бермади — "Бока" "Платенсе" дарвозасини ишғол қила олмади ва баҳс 0:0 ҳисобида якунланди.
Шундан сўнг Аргентина ОАВ Кавани билан шартномани узайтириш масаласига жуда эҳтиёткор баҳо бермоқда. Устига-устак, клуб парагвайлик Адам Барейрони трансфер қилди ва кўпчилик айнан у 39 ёшли тажрибали форвардни асосий таркибдан сиқиб чиқаришини кутмоқда.
“Zamin”ни Telegram'да ўқинг!
