Urugvaylik hujumchi Edinson Kavani «Boka Xuniors»ni tark etishi mumkin. Bunga sabab uning o‘zi emas, balki klubdagi vaziyat bo‘lishi ehtimoli yuqori: futbolchining so‘nggi o‘yinlari muxlislarni qoniqtirmayapti va tribunalar Kavanini tobora ko‘proq hushtakbozlik bilan qarshi olmoqda. Bu haqda euro-football.ru xabar beradi.
So‘nggi bahsda u almashtirilgan paytda ham maydonni hushtaklar ostida tark etdi. Biroq bu o‘zgarish jamoaga yordam bermadi: «Boka» «Platense» darvozasini ishg‘ol qila olmadi va uchrashuv 0:0 hisobida yakunlandi.
Shundan so‘ng Argentina OAV Kavanining shartnomasini uzaytirish masalasiga nihoyatda ehtiyotkorona yondashmoqda. Bundan tashqari, klub paraguaylik Adam Bareyroni transfer qildi va ko‘pchilik aynan u 39 yoshli tajribali futbolchini asosiy tarkibdan siqib chiqarishini kutmoqda.
“Zamin”ni Telegramʻda oʻqing!
