Madridning "Atletiko" klubi yarim himoyachisi Koke Yevropa Chempionlar ligasida Belgiyaning "Bryugge" jamoasiga qarshi uchrashuv oldidan bo'lib o'tgan matbuot anjumanida ishtirok etdi. Bu haqda euro-football.ru xabar beradi.
Pley-off bosqichidagi javob bahsi 24-fevral kuni o'tkaziladi. Uchrashuv fransuz hakami Kleman Tyurpenning start hushtagi bilan 22:45 da (Toshkent vaqti bilan) yangraydi.
Eslatib o'tamiz, jamoalarning ilk o'yini 3:3 hisobida yakunlangandi.
"Biz har bir to'p uchun jang qilishimiz, oxirigacha kurashishimiz va, albatta, gollar urishimiz kerak. Shunday kechalar zarurki, muxlislarimiz 200 foiz kuch bilan qo'llab-quvvatlasin, futbolchilar esa maydonda bunga xuddi shunday javob qaytarsin", — deya Kokening so'zlarini keltiradi UEFA rasmiy sayti.
Avvalroq ushbu to'qnashuv haqida "Atletiko" bosh murabbiyi Diego Simeone va "Bryugge" ustozi Ivan Leko ham o'z fikrlarini bildirgan edi.
“Zamin”ni Telegramʻda oʻqing!
