Urugvaylik hujumchi Edinson Kavani «Boka Huniors»ni tark etishi mumkin. Gap futbolchining shaxsiy istagida emas, balki klub muhitida unga nisbatan ortib borayotgan norozilikda: tribunalar uning o'yinidan qoniqmayapti va hushtaklar tobora ko'paymoqda. So'nggi uchrashuvda Kavani almashtirilgan paytda maydonni tark etar ekan, muxlislar uni keskin hushtakbozlik bilan kuzatdi. Bu haqda euro-football.ru xabar beradi.
O'yinning o'zi ham vaziyatni yumshatmadi: «Boka» «Platense»ga qarshi bahsda gol ura olmadi va uchrashuv 0:0 hisobida yakunlandi. Argentina OAV endi Kavanining shartnomasini uzaytirish ehtimolini juda ehtiyotkorlik bilan baholamoqda. Bunga qo'shimcha ravishda, klub paragaylik Adam Bareyroni sotib oldi va ko'plar aynan u 39 yoshli veteranining asosiy tarkibdagi o'rnini butunlay siqib chiqarishini kutmoqda.
“Zamin”ni Telegramʻda oʻqing!
