Futbol bo‘yicha O‘zbekiston Superligasining 2 turidan o‘rin olgan navbatdagi uchrashuv nihoyasiga yetdi. Toshkentdagi "Bunyodkor" stadionida kechgan bahsda mezbonlar Samarqandning "Dinamo" klubini qabul qildi. Qiziqarli va murosasiz kechgan o‘yinda mehmonlar 1:2 hisobida g‘alaba qozonib, uch ochkoni qo‘lga kiritdi.
Uchrashuvning dastlabki daqiqalaridan tashabbusni o‘z qo‘liga olgan samarqandliklar tezkor gollarga erishdi. 7-daqiqada Azizbek Amonov hisobni ochgan bo‘lsa, oradan 8 daqiqa o‘tib, Firdavs Abdurahmonov farqni ikkitaga oshirdi. Birinchi bo‘limda "Bunyodkor" futbolchilari vaziyatni o‘nglashga harakat qilgan bo‘lsa-da, "Dinamo" himoyasi ishonchli o‘yin ko‘rsatdi.
Ikkinchi bo‘limda "Bunyodkor" bosh murabbiyi o‘yinni kuchaytirish maqsadida bir qator o‘zgarishlarni amalga oshirdi. Uchrashuv yakunlanishiga oz vaqt qolganida, 83-daqiqada Samandar Mavlonqulov bitta gol urib, hisobni qisqartirishga muvaffaq bo‘ldi. Biroq, qolgan daqiqalarda toshkentliklar muvozanatni tiklay olmadi va yakunda "Dinamo" qiyin g‘alabani rasmiylashtirdi.
"Bunyodkor" – "Dinamo" 1:2
Toshkent. "Bunyodkor" stadioni. 19:00
Gollar: 0:1 – 7, Azizbek Amonov (Jahongir Abdusalomov), 0:2 – 15, Firdavs Abdurahmonov (Azizbek Amonov), 1:2 – 83, Samandar Mavlonqulov (Itsuki Urata)
"Bunyodkor": 1.Abdumavlon Abduljalilov, 3.Sardor Rahmonov, 4.Najmiddin Normurodov, 8.Dmitriy Pletnyov, 9.Matiya Krivokapich (47.Sadriddin Hasanov, 62), 15.Marko Bugarin, 18.Narimonjon Ahmadjonov (21.Nosirjon Abdusalomov, 46), 23.Asadbek Rahimjonov (17.Muzaffar Olimjonov, 90), 25.Itsuki Urata, 66.Azizbek To‘lqunbekov (28.Samandar Mavlonqulov, 46), 77.Bilolxon Toshmirzayev (11.Sardor Abdunabiyev, 75)
Zaxira: 16.Federiko Botti, 13.Muhammad Hakimov, 88.Mirkamol Annamatov, 90.Egamberdi Sharipov.
"Dinamo": 1.Edem Nemanov, 4.Nurillo To‘xtasinov (11.Xislat Xalilov, 81), 5.Mahamadu Dembele, 6.Jahongir O‘rozov, 7.Sanjar Qodirqulov, 8.Azizbek Amonov (10.Anvar Hojimirzayev, 46), 15.Rasul Yo‘ldoshev (16.Dramane Salou, 69), 20.Jaloliddin Jumaboyev, 21.Jahongir Abdusalomov, 37.Firdavs Abdurahmonov (91.Bektemir Abdumannonov, 81), 44.Kingsli Sarfo (97.Til Mavretich, 46)
Zaxira: 13.Ravshanbek Yagudin, 19.Mauro Brazil, 22.Ulug‘bek Abdullayev, 99.Ulug‘bek Hoshimov.
Ogohlantirish: Rasul Yo‘ldoshev (40), Najmiddin Normurodov (88)
Ushbu g‘alaba orqali "Dinamo" turnir jadvalida o‘z mavqeini mustahkamlab oldi. "Bunyodkor" esa navbatdagi turda xatolarni tahlil qilib, keyingi bahslarga tayyorgarlik ko‘rishiga to‘g‘ri keladi.
“Zamin”ni Telegramʻda oʻqing!
