Betakror ovozi va nafis ijrosi bilan muxlislar mehrini qozongan xonanda Shirin Zaitova bugun — 27 fevral kuni 35 yoshni qarshi oldi.
Quvonchli sana munosabati bilan xonandaning yaqinlari va dugonalari uning uyiga kutilmagan tarzda tashrif buyurib, Shirin Zaitovani tug‘ilgan kuni bilan samimiy tabriklashdi. Mehmonlar qo‘llarida chiroyli guldastalar, esdalik sovg‘alari bilan kelib, xonandaga sog‘lik, baxt, xotirjamlik va ijodiy muvaffaqiyatlar tilashdi.
Samimiy muhitda o‘tgan ushbu quvonchli lahzalar Shirin Zaitova uchun unutilmas xotiraga aylandi. Yaqinlarining e’tibori, mehr va iliq so‘zlari xonandaga yanada ruhiy kuch va ilhom bag‘ishlagani ta’kidlandi.
Izohlarda ham Shirinning muxlislari faollik ko‘rsatib, uni tavallud ayyomi bilan qizg‘in tabriklashdi hamda qalbdan chiqqan, chiroyli va samimiy tilaklar bilan xonandani quvontirishdi.
Shirinning turmush o‘rtog‘i — Nodir Zaitov ham Instagram sahifasida post joylab, xonandani tug‘ilgan kuni bilan tabriklab, unga “Happy birthday, my love!” deya samimiy izoh qoldirdi.
