Ҳиндистоннинг энг бой инсони бир миллиард ватандоши учун бепул 4G тармоғини ишга туширди » Ўзбекистон янгиликлари – Zamin.uz

Ҳиндистоннинг энг бой инсони бир миллиард ватандоши учун бепул 4G тармоғини ишга туширди

Ҳиндистоннинг энг бой инсони бир миллиард ватандоши учун бепул 4G тармоғини ишга туширди

Ҳиндистоннинг энг бой инсони — миллиардер Мукеш Амбани Reliance Jio 4G тармоғини ишга туширди. У мамлакат ҳудудининг 80 фоизини қоплайди, деб хабар беради "Дарё" нашри.

Нью-Деҳлида тармоқ 21 мегабит/секунд тезликни кўрсатаётгани айтилмоқда.

2016 йил охирига қадар ҳиндистонликлар тармоқдан бепул фойдаланиши мумкин, шундан сўнг ойига 149 рупия (2,25 доллар) нарх белгиланади.

Айни пайтда Ҳиндистон ёши катта аҳолисининг бешдан бир қисмигина интернет тармоғидан фойдаланиш имкониятига эга. Яқин йилларда юз миллионлаб ҳиндистонликлар арзон ва тезкор интернетдан фойдаланиши мумкин бўлади. Янги тармоқ 2017 йил мартига қадар мамлакат аҳолисининг 90 фоизини қоплаши кутилмоқда.

Амбани бутун мамлакат бўйлаб қарийб 100 минг телекоммуникацион миноралар бино этишга миллиардлаб доллар сарфлади. Ҳисоб-китобларга қараганда, Jio 18 минг шаҳар ва 200 минг қишлоққа етиб борди.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru