Эрдўған Су-24 учувчиси ўлимига алоқадорликда айбланган шахс устидан тергов ишлари ҳақида хабар қилди » Ўзбекистон янгиликлари – Zamin.uz
28-06-2016 | 00:23 ZAMIN.UZ / Дунё / 28 Июн 2016 года
499

Эрдўған Су-24 учувчиси ўлимига алоқадорликда айбланган шахс устидан тергов ишлари ҳақида хабар қилди

Эрдўған Су-24 учувчиси ўлимига алоқадорликда айбланган шахс устидан тергов ишлари ҳақида хабар қилди

Туркия президенти Ражаб Тоййиб Эрдўған Владимир Путиндан уриб туширилган Су-24 самолёти учувчисининг ўлими учун узр сўраб ёзган мактубида учувчининг ҳалокатига алоқадорликда гумон қилинган шахсга нисбатан тергов жараёни кетаётгани ҳақида билдирган. Хат матни Кремль сайтида келтирилган, дейилади "Кун" нашрида.

Ўз мурожаатида Эрдўған россиялик учувчининг ҳалокатига алоқадор Туркия фуқаросига нисбатан тергов ишлари ўтказилиб, суд жараёни давом этаётганини уқтирган.

Бундан олдинроқ, Эрдўған Путинга узр сўраб мактуб йўллагани хабар қилинганди.

Россия ва Туркия муносабатлари ўтган йилнинг кузида, 24 ноябрь куни Сурия осмонида Россия Ҳаво-Космик кучларига қарашли бўлган Су-24 бомбардимончи самоёти Туркиянинг F-16 қирувчи самолёти томонидан уриб туширилганидан кейин кескин ёмонлашганди.

Расмий Анқара Россия самолёти Туркия ҳаво ҳудуди чегарасини бузганини иддао қилди. Кремль эса буни рад этиб, самолёт Сурия ҳудудидан ўтмаганини таъкидлади.

Самолёт учувчиси Олег Пешков катапульта ёрдамида кемани тарк этди, аммо ҳаводалигида қуролли шахслар томонидан отиб ташланди.

Путин ушбу воқеани "ортдан берилган зарба" деб атаган ва Туркияга қарши кенг кўламли иқтисодий санкциялар киритган эди.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru