Сосиете Генерале Кантон тармоғида токенлаштирилган активлар учун стаблекоинларни ишга туширди
Франциянинг Сосиете Генерале банки ўзининг рақамли активлар бўйича шоъба корхонаси Сосиете Генерале-ФОРГE орқали ЭУР ва УСД КоинВертибле стаблекоинларини Кантон Нетворк тармоғига жойлаштиришини маълум қилди. Ушбу қадам банкка токенлаштирилган активлар билан боғлиқ гаров таъминоти ва қисқа муддатли молиялаштириш операцияларини самаралироқ бошқариш имконини беради. Бу ҳақда Cointelegraph.com хабар беради.
СГ-ФОРГE ўзининг ЭУРКВ ва УСДКВ стаблекоинларидан рухсат этилган юрисдикцияларда ҳисоб-китоблар, молиялаштириш ва нақд пул маблағларини бошқариш учун фойдаланишни режалаштирмоқда. Банк шунингдек, Кантон тармоғида стратегик ҳамкор ва валидатор сифатида иштирок этади. Таъкидлаш жоизки, ушбу стаблекоинлар АҚШ қимматли қоғозлар тўғрисидаги қонун ҳужжатларига мувофиқ рўйхатдан ўтмаган ва фақат АҚШдан ташқаридаги рухсат этилган иштирокчилар учун мўлжалланган.
ДеФиLlama маълумотларига кўра, ҳозирги вақтда ЭУРКВ стаблекоинининг бозор капиталлашуви қарийб 97 миллион долларни, УСДКВ эса 20 миллион долларни ташкил этади. Банк ўтган йили ушбу тармоқда токенлаштирилган яшил облигацияларни чиқарган эди. Яқинда эса УСДКВ стаблекоини Консенсйс билан ҳамкорлик доирасида MetaМаск ҳамёнига интеграция қилинди.
Молия институтларининг блокчейн технологияларига қизиқиши ортиб бормоқда. Хусусан, JPMorgan Ethereum тармоғида токенлаштирилган пул бозори фондини ишга туширишни режалаштирмоқда, ДТКК эса Чаинлинк инфратузилмасини ўз платформасига интеграция қилмоқда. RVA.xyz маълумотларига кўра, дунё бўйлаб блокчейн тармоқларида токенлаштирилган реал активлар ҳажми 31,6 миллиард доллардан ошган.
“Zamin”ни Telegram'да ўқинг!
