“Кўк жигули” янгради: Озода концертида кутилмаган дует

Машҳур хонанда Озода Нурсаидова ўз концертида мухлислар кутган яна бир ёрқин чиқиш билан саҳнани ларзага солди. Санъаткор сўнгги пайтларда ижтимоий тармоқларда кенг тарқалиб, портлаб кетган “Кўк жигули” қўшиғини бу сафар мутлақо ўзгача талқинда ижро этди.

Эътиборлиси, тарона одатдагидек яккахон эмас, балки дует шаклида янгради. Бу эса қўшиққа янги оҳанг ва бошқача кайфият бағишлаб, томошабинлар учун янада қизиқарли бўлди. Озоданинг ҳар доимгидек саҳнага креатив ёндашуви, мусиқага ўзига хос услубда ёндашиши яна бир бор намоён бўлди.

Залдаги мухлислар эса санъаткорни илиқ кутиб олиб, қўллаб-қувватлашдан чарчамади. Улар қўшиқ давомида бирга куйлаб, концерт муҳитини янада кўтаринки руҳда давом эттиришди.

Таъкидлаш жоиз, Озода Нурсаидова ҳар бир чиқишида янгилик қилишга интилиши, машҳур қўшиқларга янгича руҳ бағишлаши билан ажралиб туради. Мазкур дует ҳам унинг ижодидаги яна бир эсда қоларли саҳна чиқишларидан бири бўлиб қолди.